Poingkuro Manampasi om Momogompi Boros Dusun

Kogumuan tanganak toi komulakan baino nga awu nodi koilo do mimboros 'boros Dusun'. Haro nogi koilo daa mimboros nga otingayaman toi ko omoluan tu awu di kopiyo alahis do mimboros. Sabab nopo nga noubas di molohing dau do mimboros do boros tulun suai miagal ko malayu om 'english' mantad di tanak poh tu ih molohing dau nogi nga awu nogi koilo do mimboros dusun. Mantad noh dilo nung otilombus koubasanan miagal diti, haro koligaganan tokou do insan tadau atagak iti boros tokou sendiri. Miagal di roroiton 'atagak boros atagak noh tinaru id pomogunan' kah. Pongudiyaan tokou nopo nga poingkura tokou do manampasi ti boros tokou?..Isai poh di harapon tokou do monigolig boros tokou nung okon ko ih tulun tokou sendiri.? Mantad noh diti kanou noh ukabo tokou pomusarahan do momonsoi iso ralan poingkuro tokou manampasi diti boros dusun om milo daa do awu atagak tulun dusun hiti id pomogunan

Kotobian Tadau Krismas om Toun Wagu 2011

Id kosiwatan diti mamason oku Kotobian Tadau Krismas om Toun Wagu di rumikot 2011 kumaa toinsanan tobpinai om tambalut ngawi hinonggo nopo poingiyon hiti pomogunan. Kanou tokou royoho kinorikatan di Yesus hiti pomogunan tu ih Yesus noh ih manampasi om kotumbayaan tokou. Ontok tadau diti, konou mogibabas di sontob kasalaan om wonsoi di tangaraat om mangakun nogi ngawi di dousa tokou mantad di timpuun gisom do baino. Agayo kounsikahan tokou kumaa kinorohingan nogi tu kakal tokou poh do kaanu tumanud diti karayahan . Merry Christmas N Happy New Year!

Iti noh Koposion id Pomogunan

Kopisanangan dikoyu ngawi tobpinai om tambalut hinonggo nopo ontok tadau diti.
Tadau diti ounsikou ginawo tokou tu kakal do poimpasi tokou hiti pomogunan di ogumu pogumbalan. Sundung poh do haro koligaganan tokou monoguang diti koposion tikid tadau nga otumbayaan oku do pugumbalan nopo diti iso o wonsoi dit manganu kagarasan ginawo tokou sendiri minggisom di iman imanon tokou.